ངེད་ཚོའི་ལས་ཀ།

སློབ་ཡོན་གྱི་རོགས་རམ་བརྒྱུད་དེ། སློབ་མ་རྣམས་ལ་མ་འོང་པའི་ལས་ཀའི་མདུན་ལམ་ལ་རྨང་གཞི་ལེགས་པོ་གདིང་ཐུབ་པ་དང་། རང་ཉིད་ཀྱི་མདུན་ལམ་ལ་བདམ་ཁ་ལེགས་པོ་ཡོང་ཆེད། ཕུལ་བྱུང་སློབ་མ་རྣམས་ལ་སློབ་ཡོན་སྦྱིན་ནས། ཁོང་རྣམས་ཀྱིས་བོད་ཀྱི་སློབ་གསོའི་མ་ལག་ལ་ལེགས་སྐྱེས་འབུལ་ཐུབ་པ་དང་། བོད་ཡོངས་ཀྱི་འཚོ་བའི་ཆུ་ཚད་ཇེ་མཐོར་གཏོང་བར་མཐུན་རྐྱེན་བྱེད་པའོ།

ས་གནས་ཀྱི་མཐུན་རྐྱེན་དང་བོད་ཀྱི་ཞིང་འབྲོག་གི་རིག་གནས་ཀྱི་གནས་བབ་དང་བསྟུན་ནས། ས་གནས་ཀྱི་དཔལ་འབྱོར་ཐོན་ཁུངས་ཀྱི་སྤུས་ཚད་ཇེ་ལེགས་སུ་གཏོང་བ་དང་། དཔལ་འབྱོར་གྱི་སློབ་གསོའི་ནུས་པ་ཇེ་མཐོར་གཏོང་བ། དེ་བཞིན་སློབ་གསོའི་གོ་སྐབས་རྒྱ་བསྐྱེད་ཡོང་བར་དམིགས་ཏེ་སྤྱང་གྲུང་ལྡན་པའི་ལས་གཞི་སྤེལ་བའོ།

བོད་ཡིག་གི་དཔེ་ཆ་པར་སྐྲུན་ལ་རོགས་སྐྱོར་དང་། གནའ་དེང་བོད་ཀྱི་རིག་གཞུང་གི་ཡིག་ཚགས་བཟོ་བ། ཕ་སྐད་སློབ་གསོ་ཡར་རྒྱས་གཏོང་བ། དེ་བཞིན་བོད་ཀྱི་ཕུན་སུམ་ཚོགས་པའི་རིག་གནས་ཀྱི་ཤུལ་བཞག་སྲུང་སྐྱོང་གི་བྱ་བར་ཞིབ་འཇུག་དང་རོགས་སྐྱོར་བྱེད་མཁན་མི་སྒེར་པ་དང་ཚོགས་པ་ཁག་ལ་མཐུན་རྐྱེན་སྒྲུབ་བཞིན་ཡོད།