ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསར་འཕྲིན་འདོན་ཐེངས་༢པ།

ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གི་གསར་འཕྲིན་འདོན་ཐེངས་༢པའི་ནང་ལ། ཐེབས་རྩ་ཚོགས་པའི་དཔེ་མཛོད་ཁང་དུ་སྤེལ་བཞིན་པའི་བྱེད་སྒོ་ཁག་སྟེ། བོད་ཀྱི་ཁ་ཤགས་ཀྱི་འཁྲབ་སྟོན་དང་༢༠༠༣ལོའི་ཚོགས་འདུའི་སྐོར་དང་། དགེ་འདུན་ཆོས་འཕེལ་ལགས་འཁྲུངས་ནས་ལོ་ངོ་བརྒྱ་འཁོར་བའི་རྗེས་དྲན་ཚོགས་འདུ་ལ་སོགས་འཁོད་ཡོད། དུས་དེབ་འདིའི་ནང་ལ་ད་དུང་འཇམ་དབྱངས་ནོར་བུ་ལགས་དང་ཨེ་ལི་ཨེད་སྤིར་ལིན་གཉིས་ཀྱི་བཀའ་མོལ་དང་། དེ་བཞིན་བསོད་ནམས་ཚེ་རིང་ལགས་ཀྱིས་བརྩམས་པའི་"མགོ་སྐོར་བླ་མ།"ཌེ་སི་ཌེ་རི། འཇམ་དབྱངས་ནོར་བུ་ལགས་ཀྱིས་བརྩམས་པའི་ཤེར་ལོག་ཧོལ་མུ་སེ་ཡི་དཀྱིལ་འཁོར་ཞེས་པའི་སྒྲུང་དེབ་ནས་ཁོལ་ཕྱུང་བྱས་པའི་རྩོམ་གཅིག་བཅས་འཁོད་ཡོད།